Warning: Parameter 1 to wp_default_styles() expected to be a reference, value given in /var/www/atualiliiv.gl/public_html/wp-includes/plugin.php on line 601

Warning: Parameter 1 to wp_default_scripts() expected to be a reference, value given in /var/www/atualiliiv.gl/public_html/wp-includes/plugin.php on line 601
17/09-17

Aaqqissuussineq atuarfillu

Meeqqat atuarfimmi ingerlalluassappat pissutsit assigiinngitsut aaqqiivigereerneqassapput. Meeraq atuariartortinnani ullaakkorsioreersimassaaq ullup qeqqanullu taquassaminik nassassalluni. Meeqqap- ilinniartitsinerni ukkassisinnaassaguni nutaanillu ilikkagaqarsinnaassaguni- naammatsilluni sinissimanissaa pingaaruteqarportaaq. Tamanna sinik nerisallu pillugit immikkoortuni annertunerusumik paasisaqarfigisinnaavarsi.

Akisussaaffik
Atuarfimmut tunngatillugu suliassanik aqutsisinnaanissap meeqqamit ilikkarneqarnissaa aamma pingaaruteqarpoq. Klassini minnerni angajoqqaat soorunami meeqqanut ikiuutissapput, taamaakkaluaq taquaasiviup imaakkap qaqinnissaata, ullaakkut nammineq taquaasiviup atuagaasivimmut ikinissaata, atuarfimmit nalunaarummik takkuttoqarpat nammineq tamatuma oqaatiginissaata il.il. meeqqamit sungiunneqarnissaa isumagiuk. Taamaalilluni meeqqap atuartuunermut atatillugu akisussaaffimmik tigusineq ilikkassavaa.

Atuakkat pappiaqqallu
Atuarfiit ilaanni atuakkat aserfallatsaaliniarlugit poortorneqartussaapput. Meeqqat atuarfimmit piffissaliussap iluani tamatuminnga naammassinnissinnaaqqullugit ikiortariaqarput. Ukiup ingerlanerani atuakkat nakkutiginissaat eqqaamaneqassaaq. Poortuutaat nungullarpata allanik taarserneqassapput. Tamatumani meeqqat peqataatikkit namminnerlu atuakkaminnut atertik, klassi il.il. allatillugit.
Atuarfiit ilaanni atortunik amigaateqartoqarnera pissutaalluni ilinniartitsinermi assilisanik atortoqarajuppoq. Taamammat atuagaasiviit amerlasuut pappiaqqanik kakersuunneqanngitsunik imaqarput. Pappiaqqat aaqqissuunnissaannut meeqqat- ass. mappimik oqitsumik faginut ilinniartitsissutaasunut immikkoortiterivissanik imalimmik tunillugit ikiorsigik. Pappiaqqat pissarsiarineranni imal. kingusinnerpaamik soraarluni angerlamut apuunnermi mappimut ikiorarnissaannut ilinniartissigik, nutaanullu taarsiullugit pisoqqat iginnissaannik ilinniartissigik.

Iluaqusersuutit
Fagit ilaanni aqerluusaq, piiaat, allattaaviit, kisitsissut tigumiartagaq immaqalu allat -atuarfimmit ilissinnut ilisimatitsissutaasut- atorneqartussaapput. Ilinniartitsinermi peqataasinnaanngorlugu meeqqap atortussaminik tamaginnik peqarnissaa isumagisiuk.
Timersornermi atisassanut allarutinullu tunngatillugu taamaapportaaq. Meeqqat nalinginnaasumik timiminnik atuinngippallaarput, taamaammat timimik atuinissamut tunngatillugu atuarfimmit neqeroorutinut meeqqat peqataanissaat pingaaruteqarpoq. Ulluni timersorfiusussani meeqqat ipiitsunik eqaarsaarutissaqarnissaat allarutissaqarnissaallu isumagisiuk.

Atuagaasivik
Meeqqat amerlavallaat pisariaqanngitsumik oqimaappallaamik atuagaasiveqartarput. Meeraq peqatigalugu atuagaasiviup ullut tamaasa imaarneqartarnissaa aqagumullu skema malillugu fagit atuartitsissutaasussat najoqqutaralugit atuagaasiviup immertarnissaa ileqqunngortissiuk. Taamaaliornikkut meeqqap atuakkat tamakkerlugit angallattuassanngilai.

Atuarfimmik attaveqateqarneq
Atuarfiit ilaanni atuartunut/angajoqqaanut nittartakkat atorlugit angajoqqaat paasissutissinneqartarput meeqqallu klassini annerniittut attaveqatigineqartarlutik. Nalunaaruteqarsinnaanera paasiniarlugu ullut tamaasa nittartakkap alakkarnissaa isumagiuk. Klassini minnerni atuarfimmiit allagarsiisarneq immaqaluunniit ilinniagassanut nalunaarsuiffeqarneq nalinginnaaneruvoq. Atuarfimmiit nalunaaruteqarneranik eqqaasinnissaannut meeqqat ikiorsigik. Ilinniartitsisup angajoqqaanut allagaqaatai pingaaruteqarajupput.

Ilinniagassat
Qaffasissumik ilinniagaqalernissamut – atuarnerup nalaani ilikkagassat tamakkerneqarsinnaangitsut – meeqqanut sungiussitinniaraanni ilinniagasserineq pingaaruteqarpoq. Ilinniagassaminnik ukkaasinngikkunik atuarfik uukapaatinnagu imminnut uukapaatiinnarnissaat meeqqanut nassuiaatigisiuk- kingornami atorfigissaalernissamut atugassat ilikkagassaraluatik taamaalillutik ilikkanngitsuussavaat.
Atuarfimmit meeqqaat ilinniagassinneqanngippata meeqqat atuarfimmi sammisimasaat sungiusarsinnaavasi ass. kisitsisillugit atuakkamilluunniit atuartillugit. Suut ilinniarsimanerisa angajoqqaanut oqaluttuareqqinnerat meeqqamut iluaqutaassaaq eqqaamajuminarnerulissallutillu.
Ullut tamaasa piffissami aalajangersimasumi ilinniagasserisaraanni piffissamik pilersaarusiorneq aaqqissuussinerlu ilikkarneqassapput. Taamaaliornikkut suliffinisupajaaq piffissani aalajangersimasuni iliuuseqarnissaq ilikkarneqassaaq.