AAQQISSUUSSINEQ

SENESTE INDLÆG
21/09-17

Meeqqat angerlarsimaffik qimallugu allamut nuukkaangata

Meeqqat angerlarsimaffik qimallugu allamut nuukkaangata
Meeqqat ullut tamaasa- inuusuttuaranngornermissaaq atuarnissamut piareersimassapput.
Nunatsinni amerlasuut atuarnerminnik ilinniarnerminnillu naammassinnissinnaajumallutik angerlarsimaffimit nuujaartariaqartarput. Nunatsinni illoqarfinnut allanut ilaallu Danmarkimut nunanulluunniit allanut nuuttarput.
Angerlarsimaffik qimassagaanni tikitami atualernissamut piareersimaniarluni nuunnermullu patsisaasumut ilinniartitaaniarnermi, ulluinnarni inuuneq nutaaq naniniagassaavoq. Tamanna angerlarsimaffimmit tapersersorluarneqarnissamik piumasaqaatitaqarpoq.

Qanoq oqaluussisoqartarpa
Meeqqavit oqarasuaatikkut qanoq oqaluuttarnera eqqarsaatigiuk. Meeraq qanoq inneranik apersorlugu tapersersoruk, sumiiffimmi nutaami takornartaagaluamilu ajunngitsumik ingerlajumaartoq oqaluttuuguk.
Meeqqat angajoqqaaminnik maqaasinerattulli angajoqqaat meeqaaminnik maqaasisarput. Avissaarnissaq illuatungeriinnut anertuumik piumasaqaatitaqarpoq. Angajoqqaat amerlasuut meeqqaminnut sianerlutik maqaasinerartarput. Ajunnginnerpaamik isumaqarlutik taamaaliortarput taamaaliornermikkulli meeqqat namminneq maqaasinerannik eqqasinneqartarput. Amerlavallaanilu tamanna meeqqat angerlamut uternerannik taamaalillutillu ilinniarnerminnik naammassinninngitsoornerannik kinguneqartarpoq.
Meeqqat angerlarsimaffimminnit ungasissumi ilinniagaqarnissaannut tapersersorniarutsigit angajoqqaatut nukittuujusariaqarpugut, ilungersunartorsiorfitta qaangerniarnissaannut meeqqatsinnik ilitsersuisariaqarpugut. Ilinniartitaaneq meeqqavit atorfeqalernissaanut toqqissinartumillu siunissaqarnissaanut aqqutaavoq, tamatumanili nuannersut, avaanngunartut ajornartorsiorfiusullu aqqusaagassaapput. Meeqqalli ilinniarnerminnik naammassinnikunik nukittornerusimassapput, ilikkagarpassuaqassapput ikinngutitaartorsimassallutillu.

Attaveqatigiinneq

Meeqqat avatangiisini nutaani sungiussinissamut piffissamik atuinissaq pisariaqartippaat. Angerlarsimaffik nutaaq maleruagassat nutaat, ikinngutit nutaat allarpassuillu sungiunniagassaapput, taamaammat meeraq sungiussinissaanut piffissalerlugulu periarfissiguk.
Aalajangersimasunik attaveqatigiittarfeqarnissaq, ass. ataasinngornerit sisamanngornerillu tamaasa sianerfigeqatigiittarnissaq isumassarsiarineqarsinnaavoq. Ilaanni oqaluttuassarpassuaqartassaaq ilaannilu meeqqat ikinngutitaatillu sammisanik ulapputeqartassapput. Ilaanni meeqqat aliasuttassapput angerlarsertassallutillu, tamanna pissusissamisoorluinnarpoq. Taamaattoqartillugu angajoqqaat meeqqamut eqqissisaassapput, oqaloqatigiissutigissavaat, sap.akunneratalu tulliani oqaluusereqqillugu. Ajornartorsiorfinni meeqqap immikkut ikorfartorneqarnissaani siunnersorti ilinniartitsisorluunniit attavigisaq aamma attavigineqarsinnaavoq.

ILISIMASARIAQAKKAT

17.09.2017

Aaqqissuussineq atuarfillu

Meeqqat atuarfimmi ingerlalluassappat pissutsit assigiinngitsut aaqqiivigereerneqassapput. Meeraq atuariartortinnani ullaakkorsioreersimassaaq ullup qeqqanullu taquassaminik nassassalluni. Meeqqap- ilinniartitsinerni ukkassisinnaassaguni nutaanillu ilikkagaqarsinnaassaguni- naammatsilluni sinissimanissaa pingaaruteqarportaaq. Tamanna sinik nerisallu pillugit immikkoortuni annertunerusumik paasisaqarfigisinnaavarsi. Akisussaaffik Atuarfimmut tunngatillugu suliassanik aqutsisinnaanissap meeqqamit ilikkarneqarnissaa aamma pingaaruteqarpoq. Klassini minnerni angajoqqaat soorunami meeqqanut ikiuutissapput, taamaakkaluaq taquaasiviup imaakkap qaqinnissaata, ullaakkut nammineq taquaasiviup atuagaasivimmut ikinissaata, atuarfimmit nalunaarummik takkuttoqarpat […]
6.09.2017

Toqqammavissat ersarissut

Inersimasut meeqqanut maligassiuisuupput, meeqqat qanoq pissusilersornissaannik, suut akuerineqarsinnaanerannik suullu akuerineqarsinnaannginnerannik ilitsersuinissaq inersimasut isumagisassaraat. Meeqqatut killissap sumiinnera paasiniarlugu suna tamat misissorusunnartuaannarput. Tamanna pisusissamisoorluinnarpoq. Inersimasulli suut eqqortuunerinik suullu eqqunngitsuunerinik meeqqanut oqaluttuussinngippata, angerlarsimaffik qimallugu allamiilerunik aatsaat ilinniarnialissavaat. Tamanna pisariaqanngitsumik meeqqami avatangiisaanilu soorlu atuarfimmi erloqititsilersinnaavoq. Meeraqanngilaq iluatsiffeqanngitsunik meeraqarporli angajoqqaaminnit oqaluttuunneqarsimannginnertik pissutigalugu eqqortunik eqqunngitsunillu immikkoortitsiuminnaatitsisunik. Meeqqat ikioruk Meeraq angerlarsimaffimmi atuarfimmilu […]
27.08.2017

Ataatsimut isiginnissinnaaneq toqqissisitsisarpoq

Ilaqutariit meerartallit amerlanersaat ullormut ulapaartuupput. Taamaammat ullup, sap.akunnerata qaammatillu ataatsimut isigisinnaanissaat isumassarsiatsialaavoq. Ulluinnarni pisussat skemamut nalunaarsukkit ilaquttavillu qularnaatsumik takusinnaasaanut ass. nillataartitsiviup innaanut skema nivinngaruk. Tassani qaqugu timersornissaq, nerisassiornissaq, inuuissiortut allarpassuillu allattorsinnaavasi. Pinerit tamaasa eqqueqqissaarneq qaqutigoortuummat skema ulluinnassinnik ersersitsisillugu naleqqussartuaruk. Skema imartuallaarpa? Taamaappat angumeriniagassasi immaqa annertuallaarput. Sunngiffimmi sammisassarpassuit, timersorneq aliikkusiarnerillu akornanni toqqaaniarneq ajornakusoorsinnaavoq. Taamaammat sammisap ataatsip […]
17.08.2017

Ileqqut aalajangersimasut

Ullut tamassa piffissani aalajangersimangajattuni assigiinnik iliuuseqartarneq- pingaartumik meeqqani- annertuumik toqqissinartuuvoq. Taamaammat kigaatsumik nutaanik ilinniarneq meeqqanut iluaqutaasinnaavoq, suut tamarmik ullormiit ullormut allanngortinneqassanngillat. Meeqqat nutaanik ilikkagarsinnaaqaat ullummi tamaasa taamaattarput, tamannali toqqammaviup sungiusimasap soorlu atuarfiup angerlarsimaffiulluunniit iluani piguni ajunnginnerpaajussaaq. Taamaaliornikkut meeraq ileqqunik pitsaasunik –ataasiakkaarlugit meeqqap siunissami nassatassaanik- ilinniartinneqarsinnaavoq. Assersuutitut taaneqarsinnaapput nerereernermi kigutigissarneq, piffissani aalajangersimasuni nerisarneq sinittarneq il.il. Ileqqut […]
16.10.2016

Angajoqqaat tulluusimaartut

Sarap angusarissaarluni nersornaatinnattup anaanagaanga, tulluusimaarpungalu. Angusarissaarami sunaluunniit aallatissallugu toqqarsinnaavaa, inuuneratalu oqinnerulluni, toqqissisimanarnerullunilu pilluarnarnerulernissaa kissaatiginarluni. Sulilluarlunilu peqqissaarnerup iluaqutaasinnaanerat upperaara. Neriuppunga tamatumannga qitornakka ilinniartilaarsimassallugit. Dortheivalo L Jensen, Sisimiut
14.10.2016

Qitornavit atuarnissaa mersernarunnaarsaruk

Qitornavit nalunaarsukkaminik ilinniagassaminillu aaqqissuussineranik ikiortaruk. Meeqqap atuarnissaminut piareersarluarnissaanik ikiortarukku, isumakuluutissaqannginnerulluni ilikkagaqaarniarnissaminut piffissaqarnerussaaq. Meeqqap atuarfimmi atugassani piareersimatittarunigit, atuarnermini ujarlerneq piffissaajaatigissanngilaa. Qitornavit ukiumi siullermi atuarnerani atuagaasiviup immernissaanik ikiortaruk, mannineersinnaalernissaata tungaanut. Atuarfimmi pisut meeqqap eqqumaffigilluarsinnaagunigit, ilinniagaqarnissaminut nukissaqarnerussaaq.
16.09.2016

Ilinniagassat nalunartut

Nutaanik iliuuseqarluni pikkorissinissaq nalunartuaannarpoq. Taamaammat sungiusarnissaq pisariaqarpoq. Ilinniagasserinissaq aamma nalunarsinnaavoq, tamannalu aamma sungiusartariaqarluni. Imaassinnaavoq meeraq faagit arlaanni angusarissaanngikkaluarluni allani angusarissaartoq. Fagit meeqqap pikkoriffigisai maluginiartakkit, pikkoriffimmilu suli itinerusumik ilinniarnissaanut piffissaqartilluarlugu. Faginik nalorsaatigisaanik ikiornissaanut piffissaqarluartarit. Pikkoriffigisaanik nersualaartaruk. Qitornat ilinniagasserinissaanut nersualaarlugu pilerilersinniartaruk.
14.09.2016

Aalajangersimasumik ilinniakkerisarneq

Ullut tamaasa piffissami aalajangersimasumi ilinniakkerisaraanni, piffissamillu pilersaarusiorneq aaqqissuussinerlu meeqqap ilikkassavaa. Taamatut meeqqap suliassami piffissalersornissai ilinniassavar, soorlu sulileruni aamma taamaattussaasoq. Assersuutigalugu nerisassiorninni qitornat ilinniagasseritissinnaavat. Ajornartorsiutaanik taava ikiortarsinnaavat nalorsaataalu oqaloqatigiissutigisinnaallusigit. Meerarluunniit allanik sammisaqaraluaraangat, piffissap ilinniagasserivissap ullut tamaasa eqqortinnissaa pingaartuuvoq. Ilinniagassat pingaartuunerat meeqqap taamatut ilikkassavaa.
24.08.2016

Ilinniagasserinissap pissutaa

Sooq ilinniagasserisariaqarnerluni paasigaanni tamanna ilinniagassererusulersitsisarpoq. Ullut tamaasa sumi tamaani qanoq atuartiginersugut oqaluttuarisaruk. Nioqqutit allagartaat, auagassiat, aviisit, nutaarsiassat internetikkullu ujarlerneq assersuutigineqarsinnaapput. Nerisassat allagartaannik internetikkullu allakkanik il.il. qitornat atuaqatigisaruk. Taamaalillutit ulluinnarni qitornat aamma ilinniagaqartissavat, atuarsinnanerullu pingaarneranik paasitillugu. Atuarfimmi ilikkakkaminnik meeqqap oqaluttuuppatit soqutiginnillutit malinnaasarit. Ilikkagaasa siunissami sunut atorneqarsinnaanerat eqqartorsiuk. Pikkorissiartorluni atorfik pilerigisaq ilinniarfigineqarsinnaasarpoq. Ilinniakkerineq aamma ilinniagaqalernissamut ilinniarneruvoq. Meeqqap […]

ILINNIAGASSERINISSAMUT SIUNNERSUUTIT

Meeqqat angusaqarluarnerpaassagunik, inersimasunit ilinniagassaminnik ikiorneqartariaqarput.

Alianaarsaaqatigiinnertut ingerlanneqarsinnaavoq, meeraq pisariaqartitsileraangami aperisinnaatillugu.

struktur_icon_n1

Tunniusimaneq

Qitornavit ilinniagassereqatigisarnera kinguneqarluassappat, atuarfimmi sammineqartut aallaavigisariaqarput. Ilisimatuussutsikkummi misissuinerit naapertorlugit, meeqqat tunniusimallutik, atuarnerminnik soqutiginnittunik angajoqqaallit, atuarnertik pissarsiaqarfiginerpaasarpaat.

Ilinniagassat pikkunaakkaluarunillunniit suliarinissaasa pingaaruteqarnerat meeqqannut nassuiaruk. Tamanna kingusinnerusukkut, pitsaasumik ilinniagassereriaaseqarnermut ineriartuutaaqataassaaq. Ilinniagasserillaqqissuuniarneq ilikkaruminaaqaaq, angajoqqaanilli ikiorneqarluni ilikkapallanneqarsinnaavoq.

struktur_icon_n2

Pilersaarusiorneq

Piffissap pilersaarusiornissaanik qitornat ilinniartiguk. Namminneq ingerlariaasissaminnik nassaarniarnissaannut kaammattortakkit, ilinniagaqarniartillunilu nukiisaqarniarnissaq pillugu illit misilittakkatit ingerlateqqissinnaallugit.

AAJUKUA QITORNAVIT ATUARFIMMI ILINNIAGAQARNERUNISSAANUT
ILIUUSISSATUT SIUNNERSUUTIT ARFINEQ PINGASUT

struktur_icon_n1

Qitornat isumalluarfigiuk. Qitornavit piginnaasai pillugit illit isiginneriaatsit, atuarfimmi angusaqarluarnissaannut sunneeqataasarpoq.

struktur_icon_n2

Qitornannut tulluartunik unammilligassiisarit, oqaannarnallu ”Ajunngilaq sapinngisannik”, angusaqarluarnissamut soqutiginninnginnertut paasineqarsinnaammat.

struktur_icon_n3

”Sungiusarluni pikkorissisoqartartoq” nammineq takuttaruk. Pikkorissiniarneq sivisusartoq, qitornannut paasitiguk. Illit nammineq takutitsisinnaaniarlutit unammilligassaqarlutit iliuuseqarnikkut ilikkakkatit takutissinnaavatit.

struktur_icon_n4

Qitornat meeqqanut allanut sanillersuutissanngilat. Ilissi qitornarsi immikkoorluinnartuuvoq, namminerlu ineriartorluni. Angusaqarluaraangata nersualaarlugillu akuersaartakkit. Meeqqamut ilinniutissaqqinnerpaavoq, nammineq siunniussani anguniarlugu iliuuserisassani nalunngikkunigit. Sumiiffimmiit qanoq nikeriartigisimatigineq, qanoq angusaqarluartigisimanermut sanilliutissaaq.

struktur_icon_n5

Peqataatinneqarneq ilinniutissaqqinnersaavoq. Ilinniagassat ajornaateqarpata, aaqqiissutissaq oqaatigiinnarnagu nammineq akissutissarsiniartiguk.

struktur_icon_n6

Ulluinnarni nalorsiisarit soorlu ”Juullimut ullut qassinngorpat?”, imaluunniit kiilu gramminngorlugu qassiua. Ulluinnarni unammilligassinneqartarneq, ilinniartitaanermi ilikkagaqarnissamut nukissaqarluartitsinerusarpoq.

struktur_icon_n7

Ilinniagassat ataatsimut annertunerusumik sunniuteqartussaanerat oqaluuserisiuk.

struktur_icon_n8

Qitornavit kukkuneri toqqaannartumik tikkuarnagit, kukkusaanut tunngasut apeqqutigeqattaartakkit. ”Ilumut taamaassinnaava?” imaluunniit ”Allatut nassuiarneqarsinaaava?” tassa apeqqutigilluarsinnaasat.

ATUAGAASIVIK PILLUGU SIUNNERSUUTIT

Atuagaasivik torersumik immertaruk, meeqqap pisariaqartitani kisisiisa nassarniassammagit.

struktur_icon_pic3

Pisariaqartitat kisiisa immiutikkit

Meeqqap nammineq oqimaassutsimi 15 procentiatut nammattagaata oqimaassuseqarnissaa, immikkut ilisimasallit innersuussutigaat. Taamaammat soorlu qitornat 25 kiilunik oqimaassuseqaruni, nammattagaa annerpaamik 3,75 kiilutut oqimaatsigissaaq. Atuagaasivik 1 kiilumik oqimaassuseqakkajuppoq, taamaammat oqimaassutsip annertunerpaaffissaa angupallanneqarsinnaavoq. Taamaammat ullup ingerlanerani suut sammineqassanersut misissortaruk, aqagussamullu piareersarlusi unnukkut atuagaasiviup immertarnera ileqquliutiinnarlugu. Eqaarsaarutit eqqaamallugit! Ulluinnarni qitornavit timersortarnissani pisariaqartilluinnarpaa, taamaammat timersunnginnisamut utoqqatsissutissaqanngilaq – soorunami napparsimanngikkaanni.

struktur_icon_pic4

Atuagaasivik immerluagaq pitsaasoq

Ullut ilaanni qitornavit atuagaasivia oqimaatsumik immertariaqartarpoq, taamaammat pisariaqartitaannarminik nassarnissaa isumagisaruk. Nassatai oqimaannerit qiteq atuarlugu nammatassaapput oqinnerillu avalliutillugit. Taamatut meeraq niveqqajaanani oqimaaqatigiinnerusumik nammassaaq. Imerfik ilannguttaruk immeriissanaguli. Qitornavit atuarfimmi imerfimminik immiisarnissaanik ilitsersuuguk, taamatut kiilumik ataasermilluunniit oqilisaasoqarsinnaammat.

Meeqqat timaanut tulluartumik titianik artukkiinngitsumik atuagaasivittaarnissaa isumagissallugu aamma pingaartuuvoq. Nammattagaq pitsaasoq tassa qitimut illersuutilik, sukanneqarsinnaasunik pituutalik, naqqa qeratasooq, refleksilik, kiisalu angivallaaranilu oqittoq. Atuagaasivimmik qitornavit ukioq naallugu nuannarisassaanik pitsaasumik pisinissaq piffissaqarfigilluaruk.

Qitornavit tamatigut piareersarluarsimasarnissaanut pingaarutillit eqqaamasakkit. Aqerluusat pitsaasut, qalipaatit, nunguterutit, titartaatit, aqerluusamut inngigissaatit kiisalu aqerluusaasivik putoqanngitsoq isumagisakkit. Nassatat atuarfimmi tammaaneqartarput, aammali atuagaasivimmi tammaaneqannginnissaat isumagisaruk. Pappilissat pingaarutillit atuagaasiviup naqqani eqitinnginniassammata, immikkut puulertakkit.