Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746

Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746

Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746
Ataatsimut isiginnissinnaaneq toqqissisitsisarpoq - Atualiliiv
27/08-17

Ataatsimut isiginnissinnaaneq toqqissisitsisarpoq

Ilaqutariit meerartallit amerlanersaat ullormut ulapaartuupput. Taamaammat ullup, sap.akunnerata qaammatillu ataatsimut isigisinnaanissaat isumassarsiatsialaavoq. Ulluinnarni pisussat skemamut nalunaarsukkit ilaquttavillu qularnaatsumik takusinnaasaanut ass. nillataartitsiviup innaanut skema nivinngaruk. Tassani qaqugu timersornissaq, nerisassiornissaq, inuuissiortut allarpassuillu allattorsinnaavasi. Pinerit tamaasa eqqueqqissaarneq qaqutigoortuummat skema ulluinnassinnik ersersitsisillugu naleqqussartuaruk.
Skema imartuallaarpa? Taamaappat angumeriniagassasi immaqa annertuallaarput. Sunngiffimmi sammisassarpassuit, timersorneq aliikkusiarnerillu akornanni toqqaaniarneq ajornakusoorsinnaavoq. Taamaammat sammisap ataatsip agginngitsuussanani piareersarluarsimallunilu iluamik isumaginissaata ilikkarnissaa meeqqanut pitsaanerusinnaavoq.

Piareersimasarit
Ulluinnarni imminut meeqqallu ikiorniarlugit arlalinnik iliuuseqartoqarsinnaavoq.
1. Sap.ak. naanerini annertuunik niuerniartarit. Taamaaliornikkut ulluinnarni nutaajutillugit pisiassat kisiisa pisiarisassavatit.
2. Unnukkut nerisassiuliaartarit. Naatsiat, kuloruujut assigisaallu sioqqutsingaatsiarlutit qalipaajareertakkit. Atornissassa tungaanut imermiitikkit.
3. Meeqqat nerisassiornermi torersaanermilu ikiuunissaannut ilinniartikkit. Meeqqat tamakku suliarisinnaalluarpaat.
4. Meeqqat torersaajuarnissaannik ilinniartikkit taamaaliornikkut nerisassiornermi igaffik tamakkerluni tukappallaalissanngilaq.

Ataatsimut isiginninneq uisaruserneq (stressi) annikillisaataavoq
Ilaqutariit tamakkerlutik ulluinnaasa pilersaarusiorneqarneragut ataatsimut isiginnissinnaaneq pitsaanerulersarpoq uisaruserneq (stressi) annikillisarluni. Ataatsikkut annertuallaanik suliaqarniarsarineq uisaruserneq patsisaasut annersaraat. Angajoqqaat uisarusernerat meeqqat malugisinnaavaat immaqalu aliasuutigalugu, imal. malugeqqullutik ajortumik pissusilersorlutik. Taamaalilluni meeqqat qiasut puffassimasulluunniit inersimasup uisaruserneranut ilasaataallutik ajorsiartuaartitsilersarput.