Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746

Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746

Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746
Ileqqut aalajangersimasut - Atualiliiv
17/08-17

Ileqqut aalajangersimasut

Ullut tamassa piffissani aalajangersimangajattuni assigiinnik iliuuseqartarneq- pingaartumik meeqqani- annertuumik toqqissinartuuvoq. Taamaammat kigaatsumik nutaanik ilinniarneq meeqqanut iluaqutaasinnaavoq, suut tamarmik ullormiit ullormut allanngortinneqassanngillat. Meeqqat nutaanik ilikkagarsinnaaqaat ullummi tamaasa taamaattarput, tamannali toqqammaviup sungiusimasap soorlu atuarfiup angerlarsimaffiulluunniit iluani piguni ajunnginnerpaajussaaq.
Taamaaliornikkut meeraq ileqqunik pitsaasunik –ataasiakkaarlugit meeqqap siunissami nassatassaanik- ilinniartinneqarsinnaavoq. Assersuutitut taaneqarsinnaapput nerereernermi kigutigissarneq, piffissani aalajangersimasuni nerisarneq sinittarneq il.il.

Ileqqut pitsaasut
Ileqqut pitsaasut sapinngisaq tamaat siusissukkut ilikkartikkit. Illit meeqqavit atukkaminik inaalissuilluni torersaaneq sungiusimanngippagu illit angajoqqaatut ileqqut pitsaasut tunniussinnaavatit. Meeqqavit siunissami inunnut allanut qanoq pissusilersornissaanik kissaateqarnerit eqqaarsaatigiuk. Ileqqut pitsaasut meeqqannut iluaqutissatut tunniussassatit tassaasinnaapput nerisussat tamarmik piareernissaannut utaqqineq, nerisanut qujaneq nerereernermi atoriikkanik annissuinermi, igaffimmi torersaanermi erruinermilu ikiuunneq. Allamut nuulerlutik ulloq kingulleq angerlarsimaffimmiinneranni meeqqat tamaginnik ilinniartinneqarsinnaanngillat. Ulluminniit tingitinnagit tamaginnik imminut ikiorsinnaanissamut sapinngisaq tamaat piukkunnarsarluarsimanissaat isumagiuk.