ISUMAGINNINNEQ

SENESTE INDLÆG
14/09-17

Misigissutsit peqqinnartut

Meeqqat avaanngusulaarsinnaapput kisimiillutilluunniit imminnut aliikkusersorsinnaapput. Tamanna meeqqap ukkassisinnaassusaanut nammineersinnaassusaanullu inerisaataavoq. Tamanna meeqqat nal. akunnerpassuini qarasaasiami pinnguaatinik pinnguarnissaannik isumaqanngilaq, tamatumunnga ullut tamaasa piffissaliisoqarnissaa pitsaasuuvoq, taamaaliornikkut piffissamik atorluaanissaq meeqqaap ilikkassavaa.
Meeqqat aamma aliasussinnaapput isumalussinnaallutilluunniit. Soorluttaaq meeqqat nuannaaruteqarsinnaasut nuannaarsinnaasullu. Meeraanermiilli misigissutsit tamakkernissaat peqqinnartuuvoq. Taamaalilluni aliasukkaluaraanni nuannaaleqqissinnaaneq meeqqap ilikkassavaa.
Meeqqap misigissutsit pillugit oqaloqatiginissaa pitsaanerpaavoq. Taamaalilluni navianartunik oqaloqatigiissutigisasaanngitsunik peqannginnera misigissutsillu ajortuuullutillu ajunngitsuusinnaanerisa pissusissamisoornera meeqqap ilikkassavaa.

Kamanneq, nuannaarneq aliasunnerlu
Meeraq pinnguaatinik tamatigut ingerlaannaq akissarsisitsisartunik pinnguaannaruni ilaatigut piffissartornarsinnaasoqartarnera ilikkarnavianngilaa, suullu tamarmik massakkorpiaq pisussatut isumaqarfigilersarlugit. Meeqqap utaqqineq qilanaarisaqarnerlu ilikkarsinnaassanngilai.
Meeqqat orlusinnaassapput, annerlutik qiallutillu. Meeraatillutik misigissutsit tamakkerlugit misilissimanngikkunikkik inersimalerunik misigissutsit assigiinngitsut piginnaaneqarfiginissaat ajornakusoornerulersinnaavoq. Kamanneq, nuannaarneq aliasunneq il.il. pissusissamisoorluinnarput.
Meeqqat nuannaartuaannarsinnaanngillat. Ullut tamaasa juulliarartaraluarpat ukiumut ataasiaannarluni juulliarartarnerasut pissanganartiginavianngilaq.

ILISIMASARIAQAKKAT

27.08.2017

Perorsaalluarneq tassaavoq killiliisinnaaneq

Qanoq pissusilersornissamut atortorissaarutinillu assigiinngitsunik qanoq atuinissamik toqqammavissiinikkut inersimasut meeqqanut ikiuutissapput. Inersimasoq assigiinngitsorpassuartigut meeqqamut maligassiuisuuvoq. Meeqqat qanoq pissusilersornissaminnut tunngatillugu aalajangersimasunik aallaaveqarunik, toqqissisimanerussapput malugeqqusaarlutillu nipiliortariaqassanatik. Tamanna meeqqap inuiaqatigiinni inunnut allanut akuusinnaaneranik immikkullu ittutut perorsarsimanngitsutulluunniit isigineqannginnissaanik isumaqarpoq. Inuinnaat attaveqatigiittarfii Qarasaasianik, iPad-inik oqarasuaatinillu angallattakkanik atuineq tamatumunnga assersuutaavoq. Illit nammineq oqarasuaatit iPad-illuunniit atortuarukku taava qanoq ilillutit meeqqat taamaalioqqunagu oqarfigissaviuk? Tamatumunnga […]
14.08.2017

Maqaasisoqar- sinnaavoq

Meeqqat illoqarfimmi allami nunamiluunniit allami atuarpat, sap.ak. ulluni aalajangersimasuni ataasiarlusi marloriarlusiluunniit sianerfigeqatigiittarnissarsi isumaqatigiissutigisinnaavarsi. Imal. meeraq pisariaqartitsinermini angerlarsimaffimmut attaveqartittarsiuk. Meeraq nammineq angerlarsimaffimmut sianinngikkuni pisariaqartitsisimassanngilaq. Ajornakusooraluaq ilaginnarsiuk. Pisariaqarpat atuarfik attaveqassaqqaarpoq. Meeqqat peqannginneranni sianeqattaarfigalugillu allaffigeqattaaraanni, susoqaallakkaangat sianiinnarnissaq allaannarnissarlu ilikkassavaat nammineersinnaassuserli ilikkarnavianngilaat. Tusagaqannginneq ajortoqannginneranut ersiutaagajuppoq. Tamanna meeqqap angerlarsernermiit allanik soqutigisaqarneranik inuttullu nammineersinnaangajalerneranik isumaqarpoq. Imminut meerarluunniit pillugu sianerniarnersutit imminut aperigit […]
1.10.2016

Torersuutitsineq isumassuineruvoq

Qitornat atualerpat ukiumi siullermi, unnuit tamaasa atuagaasiviup immernissaanik ikiortaruk, nammineersinnaalernera tikillugu. Unnuit tamaasa atuagaasivik immertaraanni, meeqqap atugassarinngisani ullut tamaasa piffissaajaatigisassanngilai. Meeqqat amerlaqisut atuagaasivitik torersarneq ajoramikkit, angerlarsimaffiup atuarfiullu akorngini atuakkat atugassarinngisatik oqimaaqisut angallattarpaat. Aalajangersimasunik meeqqap isumagisassaqartarnissaanik ikioruk, soorlu ullut tamaasa atuagaasiviup imaarnissaanik, kiisalu skema naapertorlugu aqagukkut sammisassat isummerfiginiarnerini. Atuarfimmiit nalunaarutit taqussallu nerinikuunngisat atuagaasivimmiiginnaqqunagit, taamatut iliortoqarsinnaavoq.
27.09.2016

Elektronikkitortut qamitikkit

Katerisimaarneq oqaloqatigiinnerlu meeqqap oqallorissaatigalugulu inuttut piginnaaneqaatigilertarpaa. Minnerunngitsumik inuttut piginnaanerit tatisimaneqarput, ullutsinni allanut attaveqarniarnitsinni ilaatigut atortut elektronikkitortut atorneqartarmata. Kikkut tamarmik iPad imaluunniit mobiltelefoni sammippassuk, iluamik oqaloqatigiittoqarsinnaanngilaq. Pissutsit oqallisiginissaat, oqaluttuarnissaq nassuiaanissarlu meeqqanut pingaaruteqarput. Meeqqap naatsukullamik akinissaa pinngitsoorniarlugu, ’sooq’ kiisalu ’qanoq’ apeqqutinnut aallarniutigisakkit.
2.09.2016

Pinnguarneq ilikkagaqarniarnerlu

Pinnguarnikkut sorpassuit inerisartarput, tamannalu atuakkerinissatut pingaaruteqartigaluni. Pinnguarneq nuanniinnarani annertuumik pingaaruteaqarpoq. Pinnguarneq qajannaallisaataasinnaavoq kiisalu isumasiorsinnaanermut, alaatsinaannermut, inuttullu piginnaanernut pitsanngorsaataasinnaalluni. Taamaammat meeqqat pinguarpallaarsinnaanngillat. Meeqqat pinnguarsinnaanerat nammineq pilerneq ajorpoq. Taamaammat meeqqat pinnguarnissaat kaammatuutigisariaqarpoq, meeqqanillu allanik pinnguaqateqarsinnaanera isumagisariqarluni. Pinnguarneq timimillu aalatitsineq Qarasaasiamik pinnguaateqarneq nalinginnarmik pinnguarnertut ittuunngilaq. Meeqqat aalasariaqarput allanillu peqateqartarlutik. Meeqqat nukimminnik aqutsisinnaanerat aalanikkut pitsanngorsartarpoq, aallussisinnaanermut ilikkagaqarsinnaanermullu iluaqutaasumik. Nukiit […]
30.08.2016

Ullut tamaasa timersortarneq

Iluarusunnissamut sinilluarnissamullu timersorneq pingaaruteqarpoq. Ullut tamaasa timip aalatittarnissaa peqqinnartuuvoq, meeqqat alliartornerminni nukii saarngilu ineriartorluaqqullugit. Meeqqat timiminnik aalatitsilluartut nukissaqarnerusarlutillu nappaaloqqajaannginerusarput. Timip aalatinneratigut meeqqap nukimminik aqutsisinnaanera pitsanngoriartussaaq, itisuumik eqqarsarnissamut ilikkagaqarsinnaanermullu tamanna oqilisaataassaaq. Qitornat naammattumik timersortarpa? Ullut tamaasa qitornavit timiminik aalatitsinissaa isumagisaruk, akunnerpassuarni TVp kiisalu qarasaasiap saavaniinnissaa pinngitsoorniarlugu. Meeqqat ullormut minnerpaamik minutsini 60ini timiminnik aalatitsisassapput, sivisunerusumilluunniit timersorneq pitsaanerussaaq. […]
21.08.2016

Soqutiginninnerit takutiguk

Qitornavit atuarneranut soqutiginninnerit takutittarukku, qitornavit atuarnissaq pingaartinnerussavaa. Angajoqqaatut qitornatsinnut maligassiuisuuvugut. Atuarneq soqutiginngikkutsigu, meeqqap immaqa atuarfik pingaartipallaassanngilaa. Taamaammat meeqqap atuarneranik soqutiginninneq takutittariaqarpoq. Soqutiginninneq qanoq takutinneqarsinnaava Atuarfimmi qanoq ingerlasimanersoq apeqqutigigukku, meerarlu akiinnarpat ’ajunngilaq’, taava oqaloqatigiinneq taamaatipallassaaq. Taamaammat ullup ingerlanerani sorpiaat sammisimaneraat apersuutigisaruk, meeraq iliuuseqartinniarsaralugu. Assersuutigalugu ullukkut sulerisimanersut, suut nuannarinerunerai, suut quianarnerunersut suullu pikkunaaginerai il.il. apersuutigisinnaavatit. Meeraq ilikkakkani […]

SIUNNERSUUTITSIALAAT

Angajoqqaatut ilinnut siunnersuutit 13it:

 

omsorg_icon_n1  Inuttut angajoqqaatullu imminut tatigisarit

omsorg_icon_n2  Qitornavit kinaassuseqarnera ataqqillugu sunniuteqartunut akuliuttarit

omsorg_icon_n3  Inunnut allanut innimittarsinnaanermik qitornat ilinniartiguk

omsorg_icon_n4  Angajoqqaatut kukkussuteqanngitsoorsinnaannginnerit akueriuk

omsorg_icon_n5  Meeqqat qajannaassinnaanerat illillu sanngiissinnaasarnerit eqqaamakkit

omsorg_icon_n6  Inoqatitit pisariaqartikkukkit ikiortiserinissaat eqqaamajuk

omsorg_icon_n7  Kikkut tamarmik piffissap ilaatigut meeqqaminnik isumakuluuteqartarput

omsorg_icon_n8  Sapaatip akunnerani isumakuluffimmi pisuniit, perorsaaneq ataatsimut isigalugu nalingat pingaarneruvoq

omsorg_icon_n9  Avinnermut assigisaannulluunniit atatillugu meeqqat akuliutsinniaqinagit 

omsorg_icon_n10  Nukappiaraq qanorluunniit angitigineraraluaruni, tamatta tapersersuisussanik pisariaqartitsivugut

omsorg_icon_n11  Qitornatit namminneq kisimiiffissaqartariaqarput

omsorg_icon_n12  Inuusuttuaqqat attaveqannginnerulerniartarnerat peqqinnartutut isigisariaqarmat puigussanngilat

omsorg_icon_n13  Qitornat ineriartortuarpoq, illillumi aamma – piffissami tassanerpiaq angajoqqaatut qanoq pitsaanerpaamik isigisattut iliuuseqartarit, kukkunitillu ilinniutigalugit

omsorg_icon_pic1

ILLIT NAMMINEQ

QITORNALLU

Meeraq kinaluunniit immikkuullarissumik ineriartortarpoq, illit nammineq qitornavillu akornanni pissutsit soorlu aamma immikkuullarilluinnartuusut. Meeqqat sammineqarnertik inuillu ilagisamik qanoq innerat aallaavigalugit ineriartortarput. Meeqqat inersimasunik ulluinnarni peqataatitsisunik, paasinnillutik asannittunik atassuteqaqateqarnissartik pisariaqartippaat.

omsorg_icon_pic2

ANGAJOQ

QAATUT

INISSISIMANEQ

Apeqquserneqarsinnaanngitsumik qitornannut atatillugu immikkut ilisimasaqarnerpaaq tassa ILLIT. Angajoqqaatut qanoq ittuusariaqarneq oqaatigineqarsinnaanngilaq. Tamanna illit qitornavillu akornissinni iluarnerpaamik atassuteqaqatigiinniartarnissigut nassaariniassavarsi. Tamatta kukkusarpugut, soorunalumi angajoqqaatut aamma perorsaaniarnitsinni kukkusarluta, kukkunerilli ingerlaannaq ilinniutigisarnissaat pingaarnerpaavoq. Illit nammineq nalilersuisinnaanerit tatigissavat, aalajangiiniarninni aamma atuakkat assigisaalluunniit pisariaqartittariaqanngilatit. Meeqqat malussarissupilussuupput, taamaammat illit nammineq oqaatsit atortagarinngisatit atorukkit ingerlaannaq malugissavaat. Tamatigut imminut tatigisarit, namminerlu illit inuttut kinaassutsit aallaavigalugu qitornat perorsarlugu. 

omsorg_icon_pic1

INERSIMASUT

ALLAT

Avatangiisinik assigiinngitsunik kiisalu inersimasunik allanik atassuteqaqateqarsinnaaneq meeqqamut peqqinnartuuvoq. Allatut isummersortartunik naapitaqartarnertik, silarsuaq pillugu namminneq isiginneriaaseqalernissaminnut tunngavigissavaat. Perorsaasutulli akisussaaffik allanut tunniutissanngilat, qitornatit aalajaatsumik toqqammaveqarnissaminnut, angerlarfigisinnaajuakkaminnik, toqqissisimanartumik angerlarsimaffeqarnissaminnik pisariaqartitsipput.

omsorg_icon_pic4

AAP,

TAMATIGUUNN

GITSOQ

Ilaanni tamatta ulappuserluta suaartarpugut – ajunngilaq. Tamatta tamanna misigisarparput, meeqqallumi ilimagisatsinnit qajannaannerujussuupput. Arlaannik aalajangersimasoq nuanninngitsoq perorsaanermi aallaavigiuaannavinnissaa sissuertariaqarpat. Meeqqap qanoq kinaassuseqalernissaanut, isumassuineq ataatsimut isigalugu sunniutissaaq. Taamatut oqareerluni oqaatigisariaqarpoq, suaartaatigisatit nukiisernermik kinguneqaratillu akiniaanermilluunniit nipeqassanngimmata isumagissavat. Ilissi aamma qasulersinnaasusi meeqqap paasissallugu pingaartippaa, pissutsinullu naleqqussarniartilluni illit killiussinnaasatit qitornavit qaangertarsinnaavaat. Isumaluttuaannarlutit, ulapillutit kamattuaannaruit ilaqutariit iluanni peqqinnartumik sunneeqatigiissinnaanermut akornutaassaaq. Qitornallu akornissinni toqqissisimanarnera, meeqqap nammineersinnaalernissaanut iluaqutaassammat, periutsikkut tatiginartuaannarit.

omsorg_icon_pic5

MEERAQ

OQALOQATIGI

SARUK

Qitornavit ineriartornera annikillisarlunilu annertusisarsinnaavoq, assigiinngitsorpassuarnillu sunnerneqartarsinnaalluni. Ilaanni tassanngaannaq kingumt meeqqatut sisanik ukiulittut pissuseqaleriataartarsinnaavoq, ilaannili sukkasuupilussuarmik arlaannik piginnaasaqaleriataartarsinnaalluni.

Qitornat atualertussanngoruni ilinniagaqalernissani piginnaasaqalernissanilu pilerigissavaa. Pissutsillu nutaat sunniuteqartussat aamma nalilersortariaqarlutik. Nammineq kinaassuseqarnini kiisalu angutaanerup arnaanerullu immikkoorutaat maluginialissallugit. Qitornavit imminut qanoq isiginerminut atatillugu paasiumi

omsorg_icon_pic6

INUUSUTTUNN

GULERNEQ

Hormonit taamaasillutik aalassassimaarutaalerput, soorlu isumaqatigiinnginnerlusi illit paasisinnaanagu. Inuusuttunngulernermi ajoraluartumik tamanna sunniuteqartualersunik misigisaqarfigisarpaat, piffissaq tamanna tarnikkut timikkullu ineriartulerfiummat. Nivissat nukappissanut akerlianillu ulluinnarni soqutiginnittualernerat maluginiassavat. Attaveqarpiarani namminersorniarsarilerneq iluaqutaassaaq eqqumiiginaranilu. Qitornat nammineersinnaalerusussanngippat tamanna pinartutut isigissariaqarpoq.

Ilaatigut aamma qitornavit kammalataanit, taakkua angajoqqaavinit, qitornavilluunniit ilinniartitsisuinit pingaarnerutinneqanngitsutut misigisarsin

omsorg_icon_pic7

UNAMMILLIG

ASSAT ILUAQU

TAASARPUT

Meeqqat alliartornertik tamaat angajoqqaatik pisariaqartilluinnartarpaat assigiinngitsutigullu tapersersortiginiartuassallugit. Suut tamarmik oqimaaqatigiissinniartariaqalissapput. Ulluinnarni tapersuiniartuunerpit toqqissisimatitsisuunerpillu saniatigut aamma unammilligassat takorlooruminaassinnaasullu piareersimaffigissavatit. Meeqqat nutaanik sungiusimanngisaminnillu aqqusaagaqartillutik, ilorraap tungaanut ineriartornerminni tunngavigisarpaat. Pingaartillugu maluginiagassaraat, qitornavit nutaanik piginnaasaqakertarnera nersualaartarlugulu. Illit inersimasutut suliassanik nutaanik unammilligassaqarnissaanut kaammattuissaatit, illillu kisivit qaqugu suna unammilligassarissaneraat kiisalu piareersiamanersut nalilersinnaavat.

omsorg_icon_pic8

KINGUSIPPA

LLAANNGISA

ANNARPOQ

Eqqaamarisariaqarpoq, ineriartorneq iluarusunniarnerlu nuanniitsunik nassataqassagaangata tamatigut ilorraap tungaanut saatinneqarsinnaasarnerat. Pissutsit arlaat sapilissagukku, tamanna pillugu arlaannik oqaloqateqarnissat pingaaruteqarpoq, aamma anniallannassangaluarpat. Ikinngutitit, suleqatitit pisariaqarpallu nammineq anaanat oqaloqatiginiakkit. Illimmi nammineq peroriartorlutit ajunngivissumik ingerlagavit, anaanat iluavissunik siunnersuutissaqarsinnaassanerpoq?

omsorg_icon_pic9

KINGUNE

QARTITSINEQ

Qanilaartumik naammaginartumik kinguneqartitsisarnerit, ulluinnarni nukissaqarluni tapersersuinertut sunniuttarpoq. Nammineq oqimaatigiissaarisariaqarputit, illit nammineq pisariaqartitatit tunulliunnagit, isumaginninnerit soqutiginninnerillu takutillugit. Susinnaallutik suullu inerteqqutaanersut paasitinniarlugit, qitornatit nangartorlugillu killilersorukkit aamma soqutiginninnermik takutitsinerussaaq.

Qanoq isumaqarlutillu nalilersuisarnerit ataqqisariaqartut paaasitinniarlugu, eqqortumik iliornerit tatigalugu aalajangiinissat annilaanngitigissanngilat. Imminut tatigalutit akisussaaffimmik tigusisinnaanerit, meeqqamut toqqissisimanartumik kinguneqassaaq. Namminneq eqqissillutik meeraasinnaalissapput silarsuullu eqqumiialuttortai paasisassarsiorfiginissaannut piffissaqarlualissallutik. Qitornavit kissaatigisamik piviusunngortissinnaanissaannut kaammattorlugillu, namminneq iliuuserisinnaasatut isumassarsiamik iluaqutigisinnaanerat misilitsinniartarlugit.

SOQUTIGINNINNERIT ULLUINNARI
TAKUTITTARUK

Qitornat qanorluunniit oqalukkaluarpat soqutiginnittuarnerit takutittaruk. Ulluinnarni aqqusaakkat oqallisigiarnerat, akornissinni paaseqatigiinnerulersitsissammat, qitornavit pingaartissavaa. Ullup ingerlanerani qitornat iluarusussimanersoq apersuutigisaruk. Apeqqutit

Meeqqap oqaloqatiginiarnerani aallartissutaasinnaalluartut arfinillit:

- Ullumi suna nuannernerpaava?
- Suna nuanniinnersaava?
- Suna ullumi atuarfimmi nalunarnersaava?
- Suna nalunannginnersaava?
- Kina ullumi atuarfimmi pinnguaqatigaajuk?
- Arlaannik ikiorsinnaavakkit?

Qitornat itinerusumik oqaluttuarusuttanngikkaangat, illit nammineq misigisimasatit aallarniutigisarsinnaavatit. Apeqqutigisartagai utertagai akisakkit illillu nammineq inuunerit pillugu pissutsit isertuunnagit. Isertuaakkuit meeqqap isertuaannissaminut kaammattuutigissammagu.