Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746

Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746

Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746
Maqaasisoqar- sinnaavoq - Atualiliiv
14/08-17

Maqaasisoqar- sinnaavoq

Meeqqat illoqarfimmi allami nunamiluunniit allami atuarpat, sap.ak. ulluni aalajangersimasuni ataasiarlusi marloriarlusiluunniit sianerfigeqatigiittarnissarsi isumaqatigiissutigisinnaavarsi. Imal. meeraq pisariaqartitsinermini angerlarsimaffimmut attaveqartittarsiuk. Meeraq nammineq angerlarsimaffimmut sianinngikkuni pisariaqartitsisimassanngilaq. Ajornakusooraluaq ilaginnarsiuk. Pisariaqarpat atuarfik attaveqassaqqaarpoq.

Meeqqat peqannginneranni sianeqattaarfigalugillu allaffigeqattaaraanni, susoqaallakkaangat sianiinnarnissaq allaannarnissarlu ilikkassavaat nammineersinnaassuserli ilikkarnavianngilaat.
Tusagaqannginneq ajortoqannginneranut ersiutaagajuppoq. Tamanna meeqqap angerlarsernermiit allanik soqutigisaqarneranik inuttullu nammineersinnaangajalerneranik isumaqarpoq.
Imminut meerarluunniit pillugu sianerniarnersutit imminut aperigit –sianeqinallu illit meeqqannut maqaasinerit pissutigalugu attaviginiarukku. Maqaasisaqarneq pissusissamisoorluinnarpoq. Maqaasininnilli oqaluttuuttuarukku ilinniarnerminik maanaannaq unititsilluni illit pillutit angerlaannarsinnaavoq. Meeqqap ilinniakkaminik naammassinninnissaminik ilikkarnissaa siunissamilu ilinniagaqarluni pitsaasumik suliffeqalernissaa pitsaaneruvoq.

Ajornartorsiuteqalernermi ikiuunneq
Meeqqap angerlarsimaffimmiit aallarneraniit qammatini siullerni tamatigungajak annikitsunik ajornartorsiuteqalersarpoq. Ilinniarfimmi meeqqannik oqaloqatiginnissinnaasumik attavissarsigit taamaatiinnarsinnaaneq angerlamullu utersinnaaneq oqaluuserinaveersaakkit piffissalli ingerlanerani qaammatit arlersinnaagaluartut oqinnerulernissaa upperiuk.