Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746

Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746

Warning: count(): Parameter must be an array or an object that implements Countable in /var/www/atualiliiv.gl/public_html/wp-content/plugins/addon-so-widgets-bundle/cmb/init.php on line 746
Proteinit pisariallit - Atualiliiv
09/10-16

Proteinit pisariallit

Proteinit tassaapput timitta tunngaviusumik sananeqaataat, meeqqallu alliartornissaanut timikkullu ineriartornissaanut pingaaruteqarlutik. Proteinit peqqinnartut sananeqaataannit pinngortarput, taakkualu ilaat timip nammineq pilersissinnaanngimmagit nerisatigut pisariaqarlutik.
Proteinit aminosyrenit pinngortarput. Timitsinni proteinit amonosyrenit assigiinngitsunit 20nit pinngortarput, assigiinngitsunik annertussuseqarlutillu akoqarlutik. Tamakkua inuussutissanit uumasuneersunit pineqartarput, soorlu aalisakkat, timmissat, neqi aapasoq, immuk, yoghurt, immussuaq kiisalu manniit tamakkunannga akoqarput. Tamakkua saniatigut, proteinit aamma naatitani soorlu qaqqortarissani, eertani, linsini, karrinit sanaani kiisalu naatitani nassaassaapput. Proteininik amigaateqarnikkut assigiinngitsunik nappaateqalertoqarsinnaavoq, mikinerusunik nukeqalertoqarsinnaalluni kiisalu akiuussutissat annikillisinnaallutik. Qulaani allassimasutut ulluinnarni assigiinngiiaartunik nerisaraanni, naammatunik proteinitornissaq eqqarsaatigisariaqanngilarluunniit.

Timip tunngaviusumik sananeqaatai
Timip sananeqaataasa pilersinnissaannut piujuarnissaannullu kisialu hormoninik enzyminillu timitta pilersitsinissaanut proteinit pisariaqartippagut. Tamatuma saniatigut taakkua aamma akiuussutissat pilersinnissaannut apeqqutaalluinnarlutik.
Taamaammat proteinit timip tunngaviusumik sananeqaataattut ilisimaneqarput. Inuit nalinginaasumik oqimaassusillit timaasa 15-20 procentiisa missaat proteiniusarput.

Nukissaqalersitsisut oqimaaqatigiissitsinerlu
Protein tassaavoq peqqinnartut sananeqaataasa ilaat nukissaqalersitsisartoq, taamaammat pisunikkut, arpannikkut kivitsinikkullu proteinit arrortittarpagut. Suulluunniit ingasaallugit imaanngilaq pitsaanerusoq. Timip pisariaqartitai sinnerlugit proteinitoraanni, proteini atorneqanngitsoq glukosenngortarpoq nukissamik pilersitsisinnaasoq. Timerput naammattumik aalatittanngikkutigu, proteinit arrortinneqanngitsut orsutut unittarput, kalorianik sinneqartoornerup orsumeertuunera, proteinineersuunera imaluunniit kulhydratineersuunera apeqqutaatinnagu. Taamaammat meeqqat proteininik pisariaqartitatik sinneraangamikkit, timertillu aalatippallaanngikkunikku, pualavallaalernerannik tamanna kinguneqarsinnaavoq.