Warning: Parameter 1 to wp_default_styles() expected to be a reference, value given in /var/www/atualiliiv.gl/public_html/wp-includes/plugin.php on line 601

Warning: Parameter 1 to wp_default_scripts() expected to be a reference, value given in /var/www/atualiliiv.gl/public_html/wp-includes/plugin.php on line 601
30/08-17

Sinik qanoq annertutigisoq naammappa?

Atuartut inuusuttuaqqaniit inersimasuniillu sinimmik annertunerusumik pisariaqartitsipput. Meeqqat ukiui apeqqutaatillugit qanoq sivisutigisumik sinittarnissaannut innersuussut uani atuarsinnaavat. Meeqqap ukiumi siullermi inuuffimmini ullup unnuallu ingerlanerani nal. ak. 17-it pallillugit sininnissaq pisariaqartipaa. Tamatuma kingorna sinimmik pisariaqartitsinerput inuunitta sinnerani annikilliartortarpoq inuilli ilaat nal. ak. arfiniliinnaat sinittaraluit agguaqatigiissillugu unnuami minnerpaamik nal. ak. arfineq marlunni sinittarnissaq inersimasunut innersuussutaavoq arnallu amerlanersaat angutiniit sivisunerusumik sininnissamik pisariaqartitsipput.

Pitsaanerpaajussappat meeraq atuartoq unnuit tamaasa nal.ak. qulit aqqanillillu akornanni sinittassaaq. Tassalu meeraq ullaakkut arfineq marlunut itersarneqassappat unnukkut arfineq pingasut qulingiluallu akornanni innartassaaq.
Inuusuttuaqqat inersimasunngulersut 13-iniit 19-inut ukiullit nal.ak. arfineq pingasut qulaaluallu akornanni sinissinnaassagunik qulinut innartariaqarput. Angajoqqaatulli meeqqat 18-iliinissaasa tungaanut akisussaaffeqartuulluni meeqqat naammattumik sinittarnissaannut akisussaaffik aamma tigusariaqarpoq.