Warning: Parameter 1 to wp_default_styles() expected to be a reference, value given in /var/www/atualiliiv.gl/public_html/wp-includes/plugin.php on line 601

Warning: Parameter 1 to wp_default_scripts() expected to be a reference, value given in /var/www/atualiliiv.gl/public_html/wp-includes/plugin.php on line 601
02/09-17

Taqussat, vitamiinit proteinillu

Angajoqqaat amerlanersaat meeqqat mikitillugit taquassaannik isumaginnittarput. Taqussat kusanartuunissaat apeqqutaanani meeqqalli ualikkut atuarfimmi ilikkagassatigut pissarsilluarnissaasa qulakkeernissaa pingaarneruvoq.
Inuttut inuunerput ingerlassinnaassagutsigu ullut tamaasa vitaminit, kalooriat proteinillu akuleriissillugit nerisariaqarpagut. Proteinit pingaartumik neqiniit pissarsiarisarpagut vitaminilli naatitaniinnerugajullutik.
Nalinginnaasumik kalorialinnik assersuutigalugu kaagineersunik, mamakujunneersunik iffiukkaniillu qaqortuneersunit -kaloorianik imaqanngitsunik aamma taaneqartartunik- nerinaveersaarnissamik siunnersorneqartarpugut. Kaloorianilli pisariaqartitsivugut taakkunanngalu pitsaanerpaat naatitaneersuupput. Taamaammat taqussat paarnamik naatitamik kuuloruujumilluunniit ilaqaqartinnissaat isumassarsiatsialaavoq.

Taqussat pingaarutilinnik akoqartariaqarput:
• Naatitat: assersuutigalugu tamulugassiat kuloruuju, peberfrugti, agurki, radisit, kuanni tomatilu
• Iffiukkat: Iffiaq imaluunniit iffiaq-qaqortoq aseqqorluttunik akulik ajunnginnerussaaq
• Qallersuutissat: neqi, immussuaq imal. mannik
• Aalisakkat: minnerpaamik aalisakkat arlaat ataaseq qallersuusiullugu
• Paarnat naatitat: paarnanit naatitanit tunguarnitsunillu assigiinngitsunit nutaanit aggukkat.

Imarisaat allanngorartikkit
Timimik atuinermi atuarnermilu timimi atukkatsinnut naleqqiullugu protein annertuallaaq nerigutsigu, timip sinneruttoq kingorna atugassanngorlugu orsunngortissavaa.
Qaratsap sulinerminut kalooriat atorfissaqartippai. Taamaammat taqussat sapinngisamik assigiinngiiaartunik akoqarunik ajunnginnerpaassaaq, ilaanni – ullulli tamaasaanngitsoq- aamma kissinik akoqarsinnaassapput.
Sapinngisaq tamaat taqussat ullormiit ullormut assigiinngiiaartinnerisigut meeqqap pisariaqartitaasa tamakkertarnissaasa qulakkeernissaanut periarfissaavoq pitsaanerpaaq. Taqussat assigiiaaginnanngippata meeqqap taqussaminik nerinissaa annertunerussaaq. Tamakkerlugit nerinngikkaanni sinnerisa angerlaattarnissaat ajunngitsoq meeraq isumaqatigiissuteqarfigiuk. Taamaaliornikkut angajoqqaatut meeqqavit suut nerisarai suullu nerisanngikkai malussarfigissavat.

Taquassanut assigiinngiiaartunut siunnersuutitsialaat (ullormut neriffissat pingaarnerit):
• Iffiat qallersukkat
• Iffiukkanik aseqqorluttunik akulinnik patitsitaliat(sandwich)
• Iffiukkanik aseqqorluttunik pizzasnegliliat
• Pastasalatit
• Unnukkut nerisat sinneri