Warning: Parameter 1 to wp_default_styles() expected to be a reference, value given in /var/www/atualiliiv.gl/public_html/wp-includes/plugin.php on line 601

Warning: Parameter 1 to wp_default_scripts() expected to be a reference, value given in /var/www/atualiliiv.gl/public_html/wp-includes/plugin.php on line 601
23/09-17

Ullaakkorsiutit atuartunut immikkut pingaaruteqarput

Ullaakkorsiutit ullormut nerisanit pingaarnerpaanerarneqartarput … TAMANNALU ILUMOORPOQ!
Ullormut nerisat siulliit ullup sinneranut toqqammavissiisuupput, meeqqap ullormut atuarnermini naammassisai ullaakkullu sutorsimanera toqqaannartumik imminnut ataqatigiipput.

Peqqinnartunik inuussutissartaqarluartunillu ullaakkorsiorneq meeqqavit atuarfimmi ilikkagaqarsinnaaneranut ukkassisinnaassusaanullu pitsaanerpaanik periarfissiivoq ullullu sinnerani qanoq pissarsiaqartigineranut annertuumik sunniuteqarluni.

Suut ullaakkorsiutaasarnerat aamma pingaaruteqaqaaq. Ullaakkorsiusiat ilaatigut cornflakes aamma choko-pops sukkulerujussuupput tarajulerujussuullutik naatitallu akuinik aseqqorluttunik annikippallaanik akoqarlutik.

Ullaakkorsiutit peqqinnartut inuussutissartaqarluartullu inuussutissanik nukissanik tunisisartunik pingasuusunik tamanik makkuusunik akoqartariaqarput: Sukkoq/kulhydrat, protein orsorlu. Kulhydratit nukimmik tunisisarput, orsoq protein-ilu sivisuumik qaasilaartitsisarput. Ullaakkorsiutit naatitat akuinik aseqqorluttunik aamma akoqartariaqarput. Naatitat akui aseqqorluttut vitamininik, mineraalinik inuussutissanillu pingaarutilinnik timip atorfissaqartitaanik akoqarput.

Ullaakkorsiutit peqqinnartut inuussutissartaqarluartut tassaasinnaapput: issingiassat immullit, paarnaaqqat/seqquluttut, paarnaq naatitaq ataaseq imal. iffiaq kilitaq immussualik marmeladilillu, paarnamik naatitamik ilallugu. Taamaaliornikkut kulhudrat, protein, orsoq, naatitat akui aseqqorluttut vitaminit mineraalillu agguataarluarneqassapput.